Lees: Matteus 16:21-28 Belydenis: HK Sondag 49 Liturg: Teologiese student Luhan van Heerden Tema: Werk vir die wil van die Here Sing: Ps. 25:1,2,4; Ps. 40:3,4; Ps. 119:12,14,20,26; Ps. 73:9-12 Mense het begeertes en planne, maar God se wil is heilig en verhewe. Wat beteken dit om te bid “Laat U wil geskied”? En hoe werk ons dit uit in die praktyk? Jesus leer dat gehoorsaamheid aan die Vader se wil belangriker is as selfsug of gemak. Hy aanvaar lyding en kruisiging as deel van God se plan. Om sy dissipels te wees, moet ons ons eie wil prysgee, ons kruis opneem en Hom volg. God se wil is geopenbaar in sy Woord, en ons werk daaraan deur gehoorsaamheid, selfs al kos dit opoffering. Die beloning is ware lewe in Christus. Bid vir krag om God se wil te doen—soos in die hemel, so ook op aarde.

Lees: 2 Korintiërs 8:1-24 Teks: Openbaring 1:13 Tema: Jesus Christus is die band tussen Sy kerke Sing: Ps. 107:1,3; Ps. 51:4; Ps. 119:29; Ps. 74:1,2,14,15; Ps. 23:1,3 In die boek Openbaring word gemeentes gesimboliseer deur kandelare. ’n Kandelaar versprei lig. ’n Gemeente van Jesus Christus het die plig om die lig van die evangelie te versprei soos ’n stad op ’n berg. Maar wat het gemeentes van Jesus Christus met mekaar onderling te make? Wel, hulle is aan mekaar verbind deur Jesus Christus, die Hoof van die kerk. Hy Self is die band in kerkverband. Ons lees in Openbaring 1:13 dat Hy, Jesus Christus, tussen die sewe goue kandelaars is. In 2 Kor. 8 en 9 lees ons besondere inligting oor hoe kerke hierdie band uitleef. Gaan lees gerus albei hoofstukke in voorbereiding vir Sondag se oggenderediens.

Lees: Matteus 5:27-32 Teks: Eksodus 20:14 Belydenis: HK Sondag 41 Liturg: Ds Pieter le Roux Tema: Die sewende gebod (i) inleiding Sing: Ps. 138: 1, 4 Ps. 19:4 Ps. 113: 1, 3 Ps. 45: 1, 2, 3, 9, 10, 16. Die woord egbreek – beteken in die oorspronklike taal om weg te draai van mekaar af. Die profeet Haggai (en ander) verbind die sewende gebod direk met die eerste gebod - afgodery. Afgodery is niks anders nie as egbreek met ons Hemelse Bruidegom.

Sing: Ps. 8: 1, 5, 6, 7; Ps. 86:1; Ps. 126:3; Ps. 90:1,9; Ps. 128:1,4 Lees: Genesis 2:4-17; Genesis 3:17-19; Efesiërs 6:5-8 Teks: Spreuke 18:9 Liturg: Ds. Pieter le Roux Tema: Fluksheid bou op en luiheid breek af Orrelis: Marthie du Plooij In Spreuke 18:9 lees ons dat iemand wat hom slap hou in sy werk, die broer van ’n verwoester is. Luiheid breek af, maar fluksheid bou. Die Bybel leer ons dat werk bestaan het voor die sondeval. In die perfekte wêreld, was daar werk! God het die mens gemaak om te werk. Ons kan groot hoeveelhede werk doen, en niks daarvan oorkom nie! Inteendeel, as ons te min werk, dan lei ons skade. Genieting en harde werk gaan saam. Ons noem dit arbeidsgenot. Die sonde het nie werk gebring nie. Die sonde het dorings en distels gebring: probleme by die werk. Jesus Christus het die vloek van die sonde kom wegneem. Nou doen ons ons werk vir Hom.

AANDDIENS (18:00) Lees: Deuteronomium 3:23-29 Teks: Deuteronomium 3:24 Liturg: Teologiese student Luhan van Heerden Tema: Ons aanbid die onvergelykbare God: magtig, heilig, genadig en getrou aan Sy plan. Sing: Ps. 66:1,2; Ps. 104:1,20; Ps. 103:1,3; Ps. 145:1,2,3,4,12 Orrelis: Marthie du Plooij Moses staan op die grens van die Beloofde Land. Hy weet sy reis eindig hier, maar in hierdie ontmoeting openbaar God Homself op merkwaardige wyse. Ons leer iets van God se karakter wat vandag steeds vir ons groot troos bied en ons in verwondering laat staan. Die Here is groot en magtig en tot alles in staat (v.24) Moses bely God se unieke grootheid en almagtige dade. Geen mens of mag kan vergelyk word met Hom nie. Die Here is heilig (v.25-26) Moses mag nie ingaan nie — God neem sonde ernstig op, Sy heiligheid eis gehoorsaamheid en eerbied. Die Here is genadig (v.27) Al word Moses beperk in sy versoek, mag hy tog die land van ver sien. God bly genadig, selfs in tugtiging. Die Here voer Sy plan uit (v.28) Josua word aangewys om voort te gaan. God se plan met sy volk staan vas. Ons aanbid ’n God wat in alles bo alles staan: almagtig, heilig, genadig en getrou. Daarom kan ons Hom vertrou, in elke seisoen van ons lewe.

OGGENDDIENS (09:00) Lees: Psalm 41 Liturg: Ds. Pieter le Roux Tema: God gee lafenis aan sy kinders wat krank is Sing: Ps. 147:1,2; Ps. 38:1,3,4,8; Ps. 41:1,2; Ps. 41:5; Ps. 103:2,3 Orrelis: Marthie du Plooij God gee baie beloftes aan Sy kinders in Ps. 41. Een van daardie beloftes het te make met wanneer ons siek is. Dit is ’n tweeledige belofte: 1. Die Here ondersteun Sy siek kinders op hulle siekbed 2. Die Here verander sy kinders se hele slaapplek as hulle krank is Dawid verbind ook siekte met sonde in die Psalm Kom hoor Sondagoggend hoe God ons troos as ons of ons geliefdes siek is, maar ook die band tussen sonde en siekte.