Lees: 1 Korintiërs10:14-11:1 Tema: Of julle dan eet of drink of enigiets doen, doen alles tot verheerliking van God Sing: Ps. 150:1,2,3; Ps. 33:1,3; Ps. 24:1; Ps. 50:1,5,6,7 Orrelis: Marthie du Plooij Paulus skryf steeds oor die Christelike vryheid: lidmate is vry om vleis by die slaghuis te gaan koop – want die vleis behoort aan die HERE! Maar, as dit mede-gemeentelede aanstoot gee, dan moet hulle bereid wees om hul vryheid na te laat. Want, eet en drink (en enigiets) gaan ten diepste oor Soli Deo Gloria!

Lees: 1 Korintiërs 12:12-31 Belydenis: HK Sondag Sing: Ps. 48:1,3; Ps. 51:2,8; Ps. 119:63; Ps. 84:2; SB 24:1,7 Orrelis: Marthie du Plooij Ons glo aan die gemeenskap van die heiliges. Dit is ’n basiese artikel van die Christelike geloof. Die gemeenskap van die heiliges het ons in ons tyd broodnodig. Maar wat beteken dit vir jou?

Lees: 1 Korintiërs10:1-13 Teks: 1 Korintiërs 10:13 Tema: God voorsien die uitkoms vir elke versoeking Sing: Ps. 46:1,2,6; Ps. 37:14,21; Ps. 103:1,7; Ps. 121:1,2,3,4 Versoekings en beproewings word op elkeen van ons se lewenspad beskik. Daarom, wie meen dat hy staan, moet oppas dat hy nie val nie! Maar, met elke beproewing en versoeking beloof God egter om die uitweg te gee. God ken ons kragte as mens: hy sal geen versoeking beskik wat bo ons kragte is nie!

Lees: Efesiërs 2:11-22 Belydenis: HK Sondag 21 Tema: Ons is nou huisgenote van God Sing: Ps. 84:1,2,5; Ps. 143:1,9; Ps. 119:29; Ps. 27:2; Ps. 122:1,2 Orrelis: Geen Elkeen het ’n behoefte om aan ’n gesin te behoort. Ons leer in Ef. 2 dat elkeen wat in Christus is, ’n huisgenoot van God word! Deel van Sy gesin. Ons aardse gesinne is tydelik, Sy gesin is die enigste wat blywend is.

Lees: 1 Korintiërs 9:15-27 Teks: 1 Korintiërs 9:16 Liturg: Ds Pieter le Roux Tema: Wee my as ek die evangelie nie verkondig nie! Sing: Ps. 66:1,2,4; Ps. 105:1; Ps. 67:1,2,3; Ps. 22:1,11 Orrelis: Lydia Zeevaart Paulus maak dit duidelik vir die Korintiërs dat hy nie ’n ander keuse het as om die evangelie te verkondig nie. Dit is ’n plig wat God op hom geplaas het. Hy is ook bereid om homself prys te gee en te dissiplineer sodat mense gewen kan word vir die evangelie. Is daar by ons hierdie gesindheid?

Lees: Romeine 5:1-11 Teks: Romeine 5:1,8-9; Romeine 8:33-34 Belydenis: HK Sondag 23 Liturg: Ds Pieter le Roux Tema: Is jy reg met God? Sing: Ps. 31: 1, 8, 17 Psalm 79:5, 6, 9 Psalm 143:1, 9 Ps. 105:5 Ps. 71: 1, 11 Orrelis: Lydia Zeevaart Mens kan vir baie jare op die kerk se banke sit sonder dat jy reg is voor God. Dit bring vrede vir die siel wanneer ek die sekerheid het dat ek reg is voor God.

Lees: Matteus 4:1-11 Teks: Matteus 6:13 Belydenis: HK Sondag 52 Liturg: Ds Pieter le Roux Tema: Ons drie doodsvyande Sing: Ps. 68:1,9; Ps. 18:1,2,3; Ps. 18:16,17,20; Ps. 46:1,4,6 Orrelis: Marthie du Plooij Die sesde bede van die Onse Vader herinner ons dat ons lewe hier deur geestelike stryd gekenmerk word. Ons is in onsself so swak dat ons nie een oomblik in hierdie stryd staande kan bly nie. Ons drie doodsvyande hou nie op om ons aan te val nie. Ons bid in die sesde bede dat die Heilige Gees ons mag staande hou en versterk tot ons die oorwinning volkome behaal.

Lees: Spreuke 27:1-10; Johannes 15:9-15 Teks: Johannes 15:15 Liturg: Ds Pieter le Roux Tema: Ek het julle vriende genoem Sing: Ps. 47:1,4; Ps. 6:1,2,4; Ps 119:22; Ps. 23:1,3; Ps. 116; Ps. 133:1,2 Orrelis: Marthie du Plooij Ons het almal vriende nodig. Die Bybel leer ons heelwat oor vriendskap. Die hoogtepunt van vriendskap is Christus – Hy wat ons Sy vriende noem.