Lees: Romeine 8:1-17 en HK Sondag 16 vraag en antwoord 40-43 Teks: Romeine 8:3,4,10,11 Liturg: Ds Johan Nel Tema: Christus het gesterf dat ons kan lewe. Sing: Ps.84:1,2; Ps.25:5,6; Ps.68:9; Ps.23:1,2,3 God het geëis dat Sy Seun vir ons sondes moes sterf. God het in sy geregtigheid geëis dat sy Seun in ons plek vir ons sondes moes sterf. Christus het volmaak aan sy Vader se eis voldoen. Jesus Christus het deur sy bittere lyding en wrede dood aan die kruis aan sy Vader se eis voldoen. Ons sterf om deur te kan gaan na die ewige lewe. Deur Christus is ons dood nie langer straf op sonde nie, maar die deurgang na die ewige lewe in die hemel. Ons kan nou met dankbaarheid vir Christus leef. Die Heilige Gees lei ons in ‘n lewe van dankbaarheid, omdat Christus vir ons die dood oorwin het.

Lees: Kollosense 1:15-20 Liturg: Ds. Mauritz Bezuidenhoudt Tema: Die onsienlike God, sienlik Sing: Ps. 105:1,2,3; Ps. 119:1,3,5; Ps. 48:1,4; Ps. 96:1,2; Ps. 113:1,2 Een van die grootste verliese van ons moderne wêreld sedert die verligting van die 18de eeu is ons begrip en bewussyn van God as transendentaal – as onbereikbaar verhewe. En tog is juis hierdie realiteit die essensiële agtergrond vir ons waardering vir die Seun as beeld van God veral in Sy menswording.

Lees: Romeine 14:1-11 Teks: Rom. 14:7-9 Liturg: Ds Pieter le Roux Tema: Alle mense het troos nodig. Sing: Ps. 23:1,2,3; Ps. 19:4; Ps. 65:1,4,8,9; Ps. 16:1,3,4,5 Alle mense het troos nodig. Die stukkende wêreld waarin ons leef, noop ons om troos te soek. Die Woord leer ons dat ons enigste troos die feit is dat ek met liggaam en siel, nie aan myself nie, maar aan my getroue Verlosser, Jesus Christus behoort.

Lees: Psalm 126 Teks: Psalm 126:5,6 Liturg: Ds Pieter le Roux Tema: Tema: Toe die Here die lot van Sion verander het Sing: Ps. 107:1,5,6; Ps. 38:1; Ps. 126:1,2; Ps. 126:3; Ps. 42:1,2,3,5 Psalm 126 handel oor die Here wat die lot van Israel verander het: • Trane wat verander is in lof. • Hartseer in blydskap. • ’n Saadsak in gerwe. • Gehuil in vreugde. • Ewige dood in ewige lewe.

AANDDIENS (18:00) Lees: Romeine 8:18-30 Teks: 1 Petrus 5:4 Belydenis: HK So. 22 vr. 57 & 58 Liturg: Ds Pieter le Roux Tema: Die Heilsorde (vi) Die verheerliking: Die onverwelklike kroon van heerlikheid Sing: Ps. 93:1,2,3,4; Ps. 49:6; Ps. 73:10,11; Ps. 90:1,8,9 Daar is verskeie seëninge wat God aan ons skenk in die redding: i) Roeping ii) Wedergeboorte iii) Geloof (en bekering) iv) Regverdigmaking v) Heiligmaking (en volharding) vi) Verheerliking Eindelik kom ons vanaand by die laaste en finale fase van die heilsorde, die voltooiing van ons verlossing: die verheerliking!

Lees: 1 Korintiërs 4:6-21 Teks: 1 Korintiërs 4:7 Liturg: Ds Pieter le Roux Tema: 1 Korintiërs (ix): En wat het jy wat jy nie ontvang het nie Sing: Ps. 147:1,4; Ps. 6:1,2,4; Ps. 131:1,2,3; Ps. 115:1,2; Ps. 138:3 Paulus spreek hoogmoedige gemeentelede aan dat hulle hul nie belangriker moet ag as ander nie. Indien enige iemand iets het om op trots te wees, moet jy jouself vra: waar kry ek dit vandaan? Daar is niks goeds wat ons nie ontvang het nie. Ons het ook vir Christus Self ontvang. Gelowiges behoort dan in nederige dankbaarheid te lewe, as mense wat alles wat hulle het, van die Here ontvang het.